Mae ein EIMAau yn Eiriolwyr Iechyd Meddwl Annibynnol sy’n eich cynrychioli chi. Dydyn ni ddim yn gweithio i unrhyw un arall.
Gallent helpu unrhyw un sy’n cael eu trin am anhwylder iechyd meddwl yn yr ysbyty neu mewn lleoliad cofrestredig, p’un a ydynt yno o’u gwirfodd neu wedi cael eu hanfon yno. Maent hefyd yn cynrychioli’r bobl hynny sy’n atebol i orchymyn triniaeth gymunedol dan oruchwyliaeth, gorchymyn gwarcheidiaeth neu sydd wedi’u rhyddhau’n amodol.
Gall ein Eiriolwyr Iechyd Meddwl Annibynnol helpu i’ch cefnogi i sicrhau bod eich barn yn cael ei chlywed mewn cyfarfodydd; eich helpu i ddeall rhagor am yr adran yr ydych wedi cael lle arni, a’ch helpu i ddeall eich hawliau a chael gafael ar gofnodion perthnasol. Gall ein eiriolwyr hefyd ddarparu cefnogaeth mewn llawer iawn o feysydd eraill.
Er mwyn i’n heiriolwyr ddarparu’r gwasanaeth yma, mae’n rhaid i gleientiaid gyflawni’r meini prawf a ganlyn:
- Bod mewn sefydliad sy’n gofrestredig gydag Arolygiaeth Iechyd Cymru
- Bod yn derbyn asesiad neu driniaeth am broblemau iechyd meddwl
- Os ydynt yn byw mewn lleoliad yn y gymuned mae’n rhaid i unigolion fod o dan orchymyn triniaeth gymunedol dan oruchwyliaeth, gorchymyn gwarcheidiaeth neu fod yn unigolion sy’n gleifion dan gyfyngiadau
Sut ydw i’n cyfeirio rhywun?
Cysylltwch â’n swyddfa ar 01745 813999 neu llenwch ein ffurflen gyfeirio ar-lein
Mae’r dudalen hon ar gael yn: English
