Mae ein Gwasanaeth Eiriolwyr i Bobl Ifanc yn rhoi cymorth i bobl ifanc yn Sir Ddinbych ac mae’n rhan o Gonsortiwm Cymorth Ieuenctid Teuluoedd yn Gyntaf Sir Ddinbych, sy’n cynnwys Prosiect Pobl Ifanc Gorllewin y Rhyl, Prosiect Ieuenctid Sir Ddinbych a Chyngor ar Bopeth Sir Ddinbych.
Bydd ein Eiriolwyr yn gweithio gyda phobl ifanc a’u teuluoedd, o oedran ysgol gynradd i 25 oed, gyda’r nod o gefnogi’r bobl ifanc i:
- Gymryd rhan yn y penderfyniadau sy’n effeithio ar eu bywydau
- Sicrhau bod eu hawliau unigol yn cael eu parchu
- Alluogi i’w barn a’u dymuniadau gael eu clywed a’u gweithredu gan y bobl sy’n gwneud y penderfyniadau.
Gall ein Eiriolwyr Pobl Ifanc helpu gyda’r pethau yma:
- Eich helpu i esbonio beth yn union yr ydych ei eisiau
- Eich helpu i wneud cwyn
- Gwneud yn siŵr eich bod yn deall eich hawliau a bod eich hawliau’n cael eu parchu
- Cael y gwasanaethau y mae gennych yr hawl i’w derbyn
- Eich cefnogi mewn cyfarfodydd pwysig
- Eich helpu gyda materion ysgol
- Eich helpu i edrych ar wasanaethau eraill a allai eich helpu ac sy’n addas i’ch anghenion chi
- Eich helpu i ddatrys unrhyw broblemau sydd gennych.
Lleoliadau
Gall ein Eiriolwr Pobl Ifanc weithio gyda phobl ifanc a’u teuluoedd mewn llawer o wahanol leoliadau gan gynnwys ysgolion a chartrefi unigolion, ac mae’n bosib y bydd modd ystyried lleoliadau eraill hefyd.
Sut ydw i’n cyfeirio rhywun?
Ffoniwch ein eiriolwr os gwelwch yn dda ar 01745 813999
Mae’r dudalen hon ar gael yn: English
