Mae ein Eiriolwyr Galluedd Meddwl Annibynnol (IMCA) yn rhoi diogelwch cyfreithiol i unigolion sydd heb y gallu i wneud penderfyniadau pwysig, neu sydd wedi colli eu rhyddid.
Mae ein EGMAau fel arfer yn cefnogi unigolion sydd heb gyfeillion neu deulu a allai eu cynrychioli nhw.
Rôl yr EGMAau yw sicrhau bod unrhyw benderfyniadau a wneir ar ran unigolyn sydd heb y gallu’n gwneud hynny er lles gorau’r person yma, a sicrhau bod barn yr unigolyn yn cael ei phasio i’r bobl sy’n ceisio penderfynu beth yw eu buddion pennaf.
Gall hynny gynnwys gweithio mewn tîm o bobl broffesiynol ym maes meddygaeth a gofal cymdeithasol i wneud y penderfyniad gorau i’r person hwnnw mewn meysydd fel yma:
- Lle dylai’r unigolyn fyw
- Pa opsiynau i’w dewis ar gyfer cael triniaeth feddygol ddifrifol
Mae ein EGMAau hefyd yn cefnogi unigolion sydd wedi colli eu rhyddid, neu Dols (Deprived of Liberty) yn fyr, sy’n byw mewn ysbyty neu gartref gofal.
Er mwyn i’n heiriolwyr ddarparu’r gwasanaeth yma, mae’n rhaid i’r cleient ateb y meini prawf nesaf:
- Rhaid i rywun proffesiynol mewn iechyd neu ofal cymdeithasol ystyried nad oes ganddynt y galluedd i wneud y penderfyniad perthnasol
- Nid oes ganddynt unrhyw deulu neu gyfeillion sy’n gallu helpu neu sy’n barod i helpu
- Mae ganddynt anghenion yn ymwneud â llety neu driniaeth feddygol ddifrifol
- Neu mae angen eu diogelu
- Neu maent angen cael adolygiad cymorth mewn gofal
- Neu mae cais wedi’i wneud am awdurdodaeth Dols (Amddifadu o Ryddid) iddynt a elwir yn EGMA 39A
Rhaid i’n EGMAau dderbyn cyfarwyddyd a bod yn rhan o’r broses i gefnogi unigolyn:
- Pan fydd un o gyrff y GIG yn cynnig darparu, dal yn ôl neu stopio triniaeth feddygol ddifrifol
- Pan fydd adolygiadau gofal i bobl mewn llety’n cael eu trefnu gan yr awdurdod lleol
- Pan fydd adolygiadau’n cael eu gwneud gan y GIG i bobl sy’n derbyn Gofal Iechyd Parhaus
- Pan fydd adolygiadau cynllun gofal yn cael eu gwneud i gleifion mewnol
Sut ydw i’n cyfeirio rhywun?
Rydym yn derbyn cyfeiriadau gan bobl broffesiynol mewn iechyd a gofal cymdeithasol. Mae modd gwneud hyn dros y ffôn, ffacs neu e-bost.
Mae’r dudalen hon ar gael yn: English
