Rydym yn sefydliad eiriolaeth iechyd meddwl sy’n ymroddedig i sicrhau bod barnau a phryderon y bobol sy’n byw yng Nghymru a phroblemau iechyd meddwl yn cael eu clywed.
Yn CADMHAS, rydym yn ymfalchïo yn ein gallu i ddarparu cymorth i ardal ddaearyddol eang, heb gyfaddawdu ar ein hymrwymiad i ddarparu’r lefelau uchaf o wasanaeth yn gyson i’n holl gleientiaid.
Rydym wedi dechrau cynlluniau cyffrous ac uchelgeisiol i ehangu ein gwasanaethau, sydd wedi arwain at dwf o fudiad 6 staff yn 2008 i 30 staff ar hyn o bryd.
Elusen gofrestredig sydd yn gweithredu fel cwmni cyfyngedig trwy warant ydym. Mae’r bwrdd o gyfarwyddwyr hefyd yn ymddiriedolwyr o’r elusen; ar hyn o bryd mae yna 5 ohonynt.
Oherwydd y twf llwyddiannus yma, rydym eisoes eisiau recriwtio o leiaf 3 ymddiriedolwyr newydd, er mwyn parhau gyda’n cynlluniau o dyfu a gwella ein gwasanaeth presennol.
Rydym yn annog ac unrhyw un i ymgeisio, ond yn enwedig os oes gennych brofiad o weithio mewn un neu mwy o’r isod:
- Gofalu am berson gyda thrafferthion iechyd meddwl,
- Gweithio mewn rheolaeth ariannol,
- Profiad/ bod â gwybodaeth am y Ddeddf Iechyd Meddwl,
- Cyfathrebu a/neu bersonél,
- Ysgrifennu cynigion am gontractau,
- Gweithio mewn cymunedau gwahanol a/neu grwpiau minoriaeth,
- Unrhyw sgil(iau) a gall llesáu’r mudiad.
Mae hyn yn rôl wirfoddol ac yn gyfle gwych i fod yn rhan o wasanaeth eiriolaeth lwyddiannus, sydd wedi ymrwymo i ymestyn cyrhaeddiad ei wasanaethau, wrth sicrhau bod y twf ddim yn amharu ar ein gallu i ddarparu gwasanaeth gwerthfawr o’r ansawdd uchaf i’r cymunedau lleol dros Gymru.
Mae’r Bwrdd o Gyfarwyddwyr yn gyfrifol am lywodraethu CADMHAS yn ariannol a chyfreithiol, wrth osod strategaethau a pholisïau ac yn cynorthwyo’r Cyfarwyddwr Gwasanaethau a’r staff gyda gweithredu dogfennau llywodraethu. Mae cyfarfodydd y Bwrdd yn cael ei chynnal bob chwe wythnos.
Os ydych yn teimlo bod gennych rywbeth i gynnig a/neu fod gennych ddiddordeb mewn bod yn rhan o’n mudiad, cysylltwch ag ein Cyfarwyddwr Gwasanaethau, Mr Elfed Williams, trwy ffonio 01745 813999 neu e-bostiwch sm@cadmhas.co.uk am fwy o fanylion os gwelwch yn dda.
Rhif Elusen Gofrestredig: 1128582 Cwmni Cyfyngedig Drwy Warant: 06684259
Mae’r dudalen hon ar gael yn: English
